Grillaður kjúlli, rauðvín og límdur kantilisti á bílhurð

Hæ,

Fínn dagur í dag. Við skelltum okkur í bæinn og keyptum gjafir handa Matthíasi, enda á pjakkur afmæli á morgun. Okkur tókst að fela þetta fyrir honum og hann fær pakkana á morgun.

Við kíktum svo í smá heimsókn í Birkelunddalen. Sólin skein svo skært og ekki hægt annað en að grilla í kvöld. Ég keypti kjúkling og smellti honum grillið. Alveg indælis fyrirbæri.

Ég hef bílinn hennar Sólrúnar þegar ég hef börnin og ég á henni mikið að þakka fyrir það. Nema hvað að kantlistinn á bílhurðinni, sem sagt skrautlistinn, losnaði frá og setti ótvíðræð lýti á annars huggulegan bíl. Þegar ég kom heim í kvöld sá ég að nágranni minn hérna í næsta húsi var að dytta að bil. Mig grunaði að hann gæti nú kannski bent mér á eitthvað til að leysa þetta fegurðarmál. Piltur var nú bara þessi elska og sagði: Hey ég redda þessu bara! Ég staðfestist í þeirri trú minni að fólk sé svona almennt gott og leitist við að vera gott. Að launum gaf ég pilti flösku af rauðvíni. Ég er glaður tjaldbúi í dag.

jamm, það var nú málið í dag. Ágætur dagur sem endaði jú bara svona glimrandi.

kveðja,

Arnar Thor